[فصاحتِ مصطفیٰ ﷺ] ہر قبیلے کی زبان میں گفتگو کا معجزہ

جب آپ ﷺ کے لبِ مبارک سے الفاظ ادا ہوتے، تو عرب کے سردار اور یمن کے بادشاہ اپنی ہی زبان میں کلامِ اطہر سن کر دنگ رہ جاتے۔
آپ ﷺ ہر قبیلے کے محاورات میں ایسی کامل فصاحت سے کلام فرماتے کہ بسا اوقات صحابہ کرامؓ بھی اس معجزاتی کلام کی گہری تشریح طلب کرتے۔
امام قاضی عیاضؒ کی مستند اور مشہور زمانہ کتاب "الشفا شریف" میں حضور ﷺ کی اس بے مثل فصاحت و بلاغت کے شواہد درج ہیں۔
کمنٹ میں انتہائی ادب سے "صلی اللہ علیہ وآلہ وسلم" لکھیں !

پانچویں فصل | آپ ﷺ کی فصاحت و بلاغت

آپ ﷺ کی زبان کی فصاحت اور کلام کی بلاغت کا یہ حال تھا کہ حضور ﷺ اس صفت میں سب سے افضل مقام پر ہیں اور ایسا ہر موقع پر ہوتا کہ کوئی غافل آپ ﷺ کی طبعی سلاست پر محمول کیے بغیر نہ رہتا، آپ ﷺ کا کلام نکتہ رس الخیف اور مختصر مگر جامع (بلاغت) سے بھر پور ، زوائد سے معری اور معانی میں صحیح ہوتا، بلا تکلف جوامع الکلم آپ ﷺ کو مرحمت ہوئے جو حکمت کے عجائبات سے پر ہوتے اور آپ ﷺ کو محاورات عرب پر پورا عبور حاصل تھا، عرب کے ہر قبیلہ سے اس کی زبان اس کے محاورات، ان کی بولی میں ان پر ( معارضہ) فرماتے یہاں تک کہ بسا اوقات صحابہ کرام کو بھی دشواری ہوتی اور آپ ﷺ سے اس کی شرح دریافت کرتے۔

جو شخص بھی آپ ﷺ کے ارشادات (احادیث کریمہ) پر غور و فکر کرے گا وہ اس کو جان لے گا اور اس کو متحقق ہو جائے گا کہ آپ ﷺ جس طرح قریش و انصار سے کلام فرماتے تھے ویسا اہل حجاز ونجد سے نہ فرماتے تھے۔

جیسا کہ آپ ﷺ نے ذی الشعار ہمدانی ،طفہتہ النہدی، قطن بن حارثہ علیمی ، (طبقات ابن سعد ج۱ ص ۳۳۵) اشعث بن قیس ، وائل بن حجر کندی وغیرہ جو حضرموت کے سردار اور یمن کے بادشاہ تھے کلام فرمایا۔

آپ ﷺ کے اس خط پر غور کرو جو ہمدان کی طرف لکھ کر بھیجا تھا، اس میں آپ ﷺ نے لکھا کہ تمھارے لیے چوٹیاں، پست زمین اور سخت زمین ہے، اس کی لاوارث زمین میں تم اپنے جانور چراؤ، ہمارے لیے ان کے جانوروں اور کھجوروں میں اتنا ہے جو وہ معاہدہ اور امانت سے دیں اور ان کے لیے زکوۃ میں وہ معاف ہے جو بوڑھے اونٹ اور اونٹ کے بچے اور بوڑھی گائے جو کہ چرنے کے لیے نہ جائیں اور سرخ رنگ کے مینڈھے ہیں اور ان سے اس کی زکوۃ لی جائے گی جو گائے اور اونٹ چھ سالہ ہو اور وہ گھوڑے جو پانچ سالہ ہوں۔ ( غریب الحدیث ج۱ ص ۲۸۰)

کتاب کا مکمل نام: الشفا بتعریف حقوق المصطفیٰ ﷺ
مختصر نام: الشفا شریف
مصنف: ابوالفضل قاضی عیاض مالکی اندلسی رحمۃ اللہ علیہ
مترجم: حضرت سید مفتی غلام معین الدین نعیمی رحمۃ اللہ علیہ

#ProphetMuhammad
#SeeratunNabi
#Islam
#IslamicShorts
#AshShifa
#MiraclesOfIslam
#Eloquence
#IslamicKnowledge
#Seerah
#TGG
#ThinkGoodGreen